琴晚訓唔著，之後睇左「驚心洞嚇」!
睇完都係訓唔著，套野真係令我嚇少少呀!好睇!
如果真係有d咁既事都好嚇下囉!下次再做一定要睇晒成套呀!

今日比平時早左好多起身呀!用左陣電腦。
之後就好趕咁走左去百街買野食，然後就奔去斑馬線。因為約左MOMOKO呀!
MOMOKO未出現就俾我見到MANDY姐喇!
之後我地一齊等，等齊人就一齊回校喇!
補數補到我真係勁想死。個寶美癲嫁!完全唔知佢講乜囉!
全日無聽過佢講乜野，勁糟糕!就係咁狂食野。
完左因為太餓所以同左同學去M記，飲左杯野行左陣就回家喇!
明天又要補課......O晒咀呀!奧運就唔應該補俾我地睇啦!
7點幾又開始約人，明明之前答應左人而家又淆底，O晒咀囉!又扯火!
d小學同學好似直程無左回事囉!d態度感覺上又差喎!
連續問左2個都話唔去呀!無心情再問落去......

今日有隻狗黎左我屋企呀!仲要搭過飛機嫁!佢就係叔比狗喇!哈哈!
佢係美國環球片場買返黎嫁!又要頗大隻，實唔係平野呀!令我都唔好意思收呀!
多謝MOMOKO呀! 哈哈哈哈哈!

27,28,29都係教會summer camp!我覺得十分好玩呀!
加入左做義工，要拎個電木結他，其實都真係幾重，拎完隻手有肌肉...

第一日上山露營，行左差不多2個鐘山，我仲要咩果個帳幕，頗重呀!
我諗都有8公斤，仲要加埋自己d野喎。
晚上都唔知訓左幾耐喇!勁熱勁骯髒，無得沖涼，仲有勁嘈，同大姊一齊訓囉...有鼻寒聲呀!

第二日落山又要咩返個帳幕落去營地，行左個幾鐘，唔知點解仲辛苦過上山咁。
落到去我條腰都開始痛喇!之後去左整木伐，勁好玩。
我坐皇帝位，坐果支竹差d甩出黎呀!係咁轉!
我地組入左唔知咩水流喎!搞到架木伐差d撞落去d石到，轉彎又轉唔到。
到左夜晚超眼訓，呀一聲就訓著左喇!

第三日一起身個身好痛下呀!食完飯之後既環節真係幾感動，不過我都忍住無流淚。
有好多男子都不禁流下男兒淚呀!哈哈!
1點幾就咩晒d野出去沙灘玩，然後就走lu!

今次依個camp真係好難忘呀!

第一次整木伐。
第一次行山仲要付責咩帳幕。
第一次上山露營。
第一次係camp到影咁多相。
第一次係山上彈電木結他。
第一次係camp到咁早訓。
第一次玩得咁投入，咁激。
第一次無得沖涼。
第一次見人玩牛屎。
第一次俾人當眾痴腳毛。

仲有好多好多野都唔可以用文字表達，好彩我有參加今次既camp姐。
想睇相可以去我既xanga，有小許。綠戰士係最好既!yeah!yeah!

約左10:30去書展，點知mandy以為係9:30，所以我都早左出去陪佢。
C米人勁遲先到呀!差唔多成11點囉...
佢個fd個3個fd真係...趣少少囉!電車男。其中有2個好似係孖仔。
我地有好多個人，行行下就失散喇!得返我、Molly、Mandy姐、Maggie姐。

1點幾就走喇!去左CWB食沙嗲王到食野。
我唔知做咩食到好糟糕呀!哈哈!
之後就行街行到6點幾，回到利東仲要買洗頭水!
又要格價喎!真係腳都斷呀!疲累!

原來表哥表姐表嫂都有去書展，點解撞唔到既?!

今日又同興洋、釣魚皇后去左釣魚，好曬好熱呀!
釣釣下我去廁所，點知遇到一個呀婆。
佢唔知做咩叫我等埋佢去廁所，又係咁話個廁所無紙巾叫人點痾...
我都俾佢搞到無話可說呀!之後出返去就見到Ben仔呀!
釣左一個鐘到就就喇!身手身汗呀!

哈哈!今次我係第一個釣到魚既人呀!但都係釣得一條咋!
我本來仲釣到蟹嫁，點知拉上黎果陣跌左囉...但都好厲害呀!哈哈!

今朝9點幾就出左香港仔，因為約左忍耐組既某d組員去飲早茶呀!
其實本身都唔想去嫁!因為我之前同興洋差唔多一句說話都無講過。
點知等叔比狗既時候就同佢開始談天，就熟左d喇!
明明話Kobe同Ben仔都去嫁嘛，點知最後得返我、興洋同叔比狗去。
我地周圍搵茶樓，多人到死，係富臨果陣笑死呀!
叔比狗不停俾lift夾，又發生左d糗野，哈哈!
最後去左花園飲，我唔知做咩成個流沙包跌左落地，d流沙流到我成隻左手都係。
飲完差不多10:30，之後就去左海旁釣魚喇!

叔比狗真係釣魚皇后黎嫁喎!佢好快就釣到一條呀!
興洋又係呀!快到癲左，佢地2個都釣到「雞泡魚」呀!
但係我...只係釣到一條「石九公」，仲要係勁細條 -.-
不過我好厲害呀!我釣到釣魚皇后個魚排上黎呀!但又釣左佢把剪刀落海，矛盾!

「雞泡魚」!

「石九公」同「泥"孟"」!

然後我地3個就好臭咁去左海怡鋤Dee!
釣魚皇后釣魚曬到痴左呀! 佢d手指人呀!痴嫁!笑到死左呀!
之後就返教會喇! 去到社區會堂突然俾人叫彈團歌呀!嚇左一嚇呀!
個結他一路彈一路跌呀!彈唔到呀!最後隻手指就俾d線彈到損左。
唉!真失敗!又有排都彈唔到結他喇...
然後玩game，跟住又分組，一個忍耐既組員都無呀! d人完全唔熟囉!
我又同朱仔一組呀...點解次次分組我都好似同佢一組咁嫁?!
我仲幾得上年去camp又係同佢一組呀!佢好黑人憎嫁!救命，想死!

明天到底要唔要入南丫島拔花生嫁?!呀媽完全無左回事囉...

Stephy琴日生日，所以今日就出黎同佢慶祝喇!
十分有趣，約左佢同呀叔11點去唱K，點知10:40就到左!
之後自己一個行，行左勁耐，見到Stephy之後就俾人狂偷拍，哈哈!
幾鬼可怕呀!果個又係癲佬黎嫁!

唱K本來都唔想唱乜濟嫁!但踏出左今日既第一步之後就開始發瘋呀!
其實我第一次同呀叔唱K，所以驚俾佢笑，誰不知唱得好happy，哈哈!
我地2個仲一齊除鞋，Stephy竟然無著襪，所以無除，哈哈!

唱完就周圍行，然後去左世貿影貼紙相同玩，真係無話可說呀! -.-
影得超級樣衰呀!都唔想影但又見Stephy生日所以我同呀叔先會影咋...
唉!之後同左$8玩一次夾公仔機，激死呀!郁都唔郁下囉...
夾完先發現開左掟彩虹...想死... 掟中左綠色竟然係一條有花既毛巾?!

然後又行，去左果間發記到食$26勁細碗勁唔抵既楊枝甘露。
我就係果時送左我精心炮製既丁爺俾Stephy，佢竟然十分感動!
我真係好意外呀!我以為佢收到係會o晒咀嫁!但呀叔真係o左咀，哈哈!

之後去左睇「殺神特工」，我覺得激好睇，但Stephy竟然差d訓著?!
本來諗住睇「街頭超人」嫁，但最後都睇左依套，走既時候聽到d人話依套好睇好多。 
睇完都就到8點，跟住去左通利買pick，之後搭車。
落左車之後就奔回家呀!好趕呀!因為要睇「甜言密語」既大結局呀!

明天再post相.....

今日真撞鬼!勁早起身要9點返到。
本身明明唔駛返早上嫁嘛，多得個寶美姐唔少呀!
佢明明約9點點知返到去先話佢10點先得閒，無話可說。
佢仲要10:10am先到，憤怒!
我地12點一定要去食lunch，因為1點要補chem，點知佢又遲放!激死呀!
搞到我地要食m記，我地狂笑，笑到個餐都食唔到呀!哈哈哈哈!
返到學校又遲到...  -.-

回到家中好happy，因為整左個美丁爺呀!
我都唔知點解會咁嫁，手工好差呀，不過我覺得真係好美麗!哈哈!

但唔知點解會唔似樣...  其實而家都幾美呀!哈哈!

今日返學補A-MATH，完全唔知寶美姐講咩野!
之後同左C米人、MAGGIE姐、MOLLY上利東食大快活。
本來吃得好HAPPY嫁!有講有笑，點知...

我地坐窗口位，講緊利東個癲佬果陣，佢就企係出面喇!
佢望入黎，係出面行黎行去，又望到實呀!好可怕呀!
之後我地話佢係咪想入黎佢真係入左黎呀!仲坐係我隔離呀!
嚇呀!跟住佢又眼都唔眨咁望住MAGGIE姐，嚇到MAGGIE姐係咁話好驚呀!
MOLLY仲話見到佢望住MAGGIE姐好「林」咁既樣呀!哈哈!
我地全程就係俾個傻佬望住，搞到頗驚呀!仲逼住一定要食晒D野!
之後個傻佬坐左去一個望唔到我地既位，我地就拿拿臨食晒D野就走喇!
真係好驚險呀!次次去親利東食野都見到佢喎!
MOLLY同MAGGIE姐走左之後同C米人行左陣就回家喇...

 真係好鬼可怕呀!個癲佬之前都有同我講過野，但我唔識佢呀!
之後賣旗同打波都試過呀!幾瘋狂呀!